4

പ​ശ്ചി​മേ​ഷ്യ​ൻ സം​ഘ​ർ​ഷാ​വ​സ്ഥ​യി​ൽ അ​യ​വ്‌ ക​ണ്ടുതു​ട​ങ്ങു​മെ​ന്ന പ്ര​തീ​ക്ഷ​യി​ലാ​ണു വാ​രാ​ന്ത്യം ആ​ഗോ​ള ഓ​ഹ​രി നി​ക്ഷേ​പ​ക​ർ രം​ഗം വി​ട്ട​ത്‌. യു ​എ​സ്‌- ഇ​റാ​ൻ സം​ഘ​ർ​ഷം വൈ​കാ​തെ അ​വ​സാ​നി​ക്കു​മെ​ന്ന നി​ഗ​മ​ന​ത്തി​ൽ രാ​ജ്യാ​ന്ത​ര ഫ​ണ്ടു​ക​ൾ നി​ക്ഷേ​പ​ങ്ങ​ൾ​ക്ക്‌ ഉ​ത്സാ​ഹി​ച്ചു. സെ​ൻ​സെ​ക്‌​സ്‌ 943 പോ​യി​ന്‍റും നി​ഫ്‌​റ്റി സൂ​ചി​ക 303 പോ​യി​ന്‍റും ക​യ​റി. തു​ട​ർ​ച്ച​യാ​യ ര​ണ്ടാം വാ​ര​മാ​ണ് ഇ​ന്ത്യ​ൻ മാ​ർ​ക്ക​റ്റ്‌ നേ​ട്ട​ത്തി​ൽ വ്യാ​പാ​രം ന​ട​ക്കു​ന്ന​ത്‌.

ഹോ​ർ​മുസി​ലെ പ്ര​തി​സ​ന്ധി​ക​ൾ​ക്കി​ട​യി​ൽ ഇ​ന്ത്യ ല​ക്ഷ്യ​മാ​ക്കി ഏ​ക​ദേ​ശം പ​തി​നാ​റു ക​പ്പ​ലു​ക​ൾ മേ​ഖ​ല​യി​ൽ നി​ല​യു​റ​പ്പി​ച്ചി​ട്ടു​ണ്ട്‌. ഇ​തി​ൽ ക്രൂ​ഡ്‌ ഓ​യി​ൽ വ​ഹി​ച്ചു​ള്ള ക​പ്പ​ലു​ക​ൾ ക​ട​ലി​ടു​ക്ക്‌ ക​ട​ക്കു​ന്ന​ത്‌ ആ​ഭ്യ​ന്ത​ര പെ​ട്രോ​ളി​യം വി​ല​ക്ക​യ​റ്റം ത​ട​യാ​ൻ ഉ​പ​ക​രി​ക്കും. വാ​രാ​ന്ത്യം ക്രൂ​ഡ്‌ ഓ​യി​ൽ വി​ല​യി​ൽ ദൃ​ശ്യ​മാ​യ തി​രു​ത്ത​ൽ ഫോ​റെ​ക്‌​സ്‌ മാ​ർ​ക്ക​റ്റി​ൽ രൂ​പ​യ്‌​ക്കും താ​ങ്ങാ​കും.

പ​ത്ത്‌ ദി​വ​സ​ത്തെ വെ​ടി​നി​ർ​ത്ത​ലി​ന് ല​ബ​ന​നും ഇ​സ്ര​യേ​ലും ത​യാ​റാ​യ​ത്‌ മേ​ഖ​ല​യി​ലെ പി​രി​മു​റു​ക്ക​ങ്ങ​ൾ​ക്ക്‌ അ​യ​വ്‌ വ​രു​ത്തി. അ​തേ​സ​മ​യം, മ​ധ്യ​പൂ​ർ​വേ​ഷ്യ​യി​ലെ സം​ഭ​വവി​കാ​സ​ങ്ങ​ൾ ഓ​ഹ​രി സൂ​ചി​ക​യു​ടെ കു​തി​പ്പ് ത​ട​യു​മെ​ങ്കി​ലും ഇ​ന്ത്യ​ൻ വി​പ​ണി സാ​ങ്കേ​തി​ക​മാ​യി ബു​ള്ളി​ഷാ​ണ്.

നിഫ്റ്റിയിലും സെൻസെക്സിലും വാങ്ങൽ താത്പര്യം

നി​ഫ്‌​റ്റി സൂ​ചി​ക മു​ൻ​ വാ​ര​ത്തി​ലെ 24,050 പോ​യി​ന്‍റി​ൽ​നി​ന്നും തു​ട​ക്ക​ത്തി​ൽ 23,572ലേ​ക്ക്‌ ഇ​ടി​ഞ്ഞ ശേ​ഷം, തി​രി​ച്ചുവ​ര​വി​ൽ 24,397 വ​രെ മു​ന്നേ​റി. മു​ൻ ​വാ​രം സൂ​ചി​പ്പി​ച്ച 24,515ലെ ​പ്ര​തി​രോ​ധ മേ​ഖ​ല​യ്ക്ക്‌ അ​ടു​ക്കാ​നാ​യി​ല്ല. വ്യാ​പാ​രാ​ന്ത്യം നി​ഫ്‌​റ്റി 24,303 പോ​യി​ന്‍റി​ലാ​ണ്. ഈ​വാ​രം ആ​ദ്യ താ​ങ്ങ്‌ 23,817ലാ​ണ്. ഇ​തു ന​ഷ്‌​ട​പ്പെ​ട്ടാ​ൽ സൂ​ചി​ക 23,282ലേ​ക്ക്‌ സാ​ങ്കേ​തി​ക പ​രീ​ക്ഷ​ണ​ങ്ങ​ൾ​ക്ക്‌ ശ്ര​മം ന​ട​ത്താം. അ​തേ​സ​മ​യം, മ​ധ്യ​പൂ​ർ​വേ​ഷ്യ​യി​ൽ​നി​ന്നും അ​നു​കൂ​ല വാ​ർ​ത്ത​ക​ൾ പു​റ​ത്തു​വ​ന്നാ​ൽ സൂ​ചി​ക 24,642ലേ​ക്കും തു​ട​ർ​ന്ന്‌ 24,932ലേ​ക്കും ഉ​റ്റുനോ​ക്കാം.

നി​ഫ്‌​റ്റി ഏ​പ്രി​ൽ ഫ്യൂ​ച്ചേ​ഴ്‌​സ്‌ 24,101ൽ​നി​ന്നും 23,625ലേ​ക്ക്‌ തി​ടു​ക്ക​ത്തി​ൽ ഇ​ടി​ഞ്ഞ അ​വ​സ​ര​ത്തി​ൽ ഓ​പ്പ​റേ​റ്റ​ർ​മാ​ർ ക​വ​റിം​ഗി​നു കാ​ണി​ച്ച ഉ​ത്സാ​ഹ​ത്തി​ൽ 24,368ലേ​ക്ക്‌ ക​യ​റി. ഇ​തി​നി​ട​യി​ൽ ഓ​പ്പ​ൺ ഇ​ന്‍റ​റ​സ്റ്റ്‌ 193 ല​ക്ഷം ക​രാ​റു​ക​ളി​ൽ നി​ന്നും 172 ല​ക്ഷ​മാ​യി കു​റ​ഞ്ഞു. വി​പ​ണി​യു​ടെ അ​ടി​യൊ​ഴു​ക്ക്‌ ക​ണ​ക്കി​ലെ​ടു​ത്താ​ൽ 25,000ലേ​ക്കും തു​ട​ർ​ന്ന്‌ 25,500നെ​യും ല​ക്ഷ്യ​മാ​ക്കാം. തി​രു​ത്ത​ലി​നു മു​തി​ർ​ന്നാ​ൽ 23,600ൽ ​സ​പ്പോ​ർ​ട്ടു​ണ്ട്‌.

സെ​ൻ​സെ​ക്‌​സ് മു​ൻ​വാ​ര​ത്തി​ലെ 77,550 പോ​യി​ന്‍റി​ൽ​നി​ന്നും വാ​രാ​രം​ഭ​ത്തി​ൽ 75,925ലേ​ക്ക്‌ ഇ​ടി​ഞ്ഞെ​ങ്കി​ലും ഈ ​അ​വ​സ​ര​ത്തി​ൽ ബ്ലൂ​ചി​പ്പ്‌ ഓ​ഹ​രി​ക​ളി​ൽ അ​ല​യ​ടി​ച്ച വാ​ങ്ങ​ൽ താ​ത്​പ​ര്യം സൂ​ചി​ക​യെ 78,678 പോ​യി​ന്‍റി​ലേ​ക്ക്‌ കൈ​പി​ടി​ച്ചു​യ​ർ​ത്തി. വാ​ര​ാന്ത്യ സെ​ൻ​സെ​ക്‌​സ്‌ 78,493ലാ​ണ്. ഈ ​വാ​രം വി​പ​ണി​ക്ക്‌ 79,472ൽ ​ആ​ദ്യ പ്ര​തി​രോ​ധ​മു​ണ്ട്‌, അ​ത്‌ മ​റി​ക​ട​ന്നാ​ൽ 80,451 പോ​യി​ന്‍റ് ല​ക്ഷ്യ​മാ​ക്കി നീ​ങ്ങാം. സെ​ൻ​സെ​ക്‌​സി​ന്‍റെ താ​ങ്ങ്‌ 76,719 പോ​യി​ന്‍റി​ലാ​ണ്.

വി​ദേ​ശ ഫ​ണ്ടു​ക​ളു​ടെ തി​രി​ച്ചു​വ​ര​വ്

വി​ദേ​ശ ഫ​ണ്ടു​ക​ൾ നീ​ണ്ട ഇ​ട​വേ​ള​യ്‌​ക്കു ശേ​ഷം തു​ട​ർ​ച്ച​യാ​യി മൂ​ന്ന്‌ ദി​വ​സ​ങ്ങ​ളി​ൽ നി​ക്ഷേ​പ​ത്തി​ന് ഉ​ത്സാ​ഹി​ച്ചു. തൊ​ട്ട്‌ മു​ൻ​വാ​ര​ത്തി​ൽ അ​വ​ർ 672 കോ​ടി രൂ​പ​യു​ടെ ഓ​ഹ​രി​ക​ൾ വാ​ങ്ങി​യശേ​ഷം തി​ങ്ക​ളാ​ഴ്‌​ച 1983.18 കോ​ടി രൂ​പ​യു​ടെ വി​ൽ​പ്പ​ന ന​ട​ത്തി. എ​ന്നാ​ൽ, പി​ന്നീ​ട്‌ വി​ദേ​ശ ഓ​പ്പ​റേ​റ്റ​ർ​മാ​ർ വി​ൽ​പ്പ​ന​ക്കാ​രു​ടെ മേ​ല​ങ്കി അ​ഴി​ച്ചുമാ​റ്റി നി​ക്ഷേ​പ​ക​രാ​യി; മൂന്ന്‌ ദി​വ​സ​ങ്ങ​ളി​ലാ​യി അ​വ​ർ 1731.71 രൂ​പ​യു​ടെ ഓ​ഹ​രി​ക​ൾ വാ​ങ്ങി.

ആ​ഭ്യ​ന്ത​ര മ്യൂ​ച്വ​ൽ ഫ​ണ്ടു​ക​ൾ തു​ട​ക്ക​ത്തി​ൽ 2432.30 കോ​ടി രൂ​പ നി​ക്ഷേ​പി​ച്ചെ​ങ്കി​ലും പി​ന്നി​ടു​ള്ള മൂ​ന്ന്‌ ദി​വ​സ​ങ്ങ​ളി​ലാ​യി അ​വ​ർ വി​റ്റ​ഴി​ച്ച​ത്‌ 8718.21 കോ​ടി രൂ​പ​യു​ടെ ഓ​ഹ​രി​ക​ളാ​ണ്. ഫോ​റെ​ക്‌​സ്‌ മാ​ർ​ക്ക​റ്റി​ൽ രൂ​പ മി​ക​വി​ലാ​ണ്. രൂ​പ​യു​ടെ മൂ​ല്യം 93.04 ൽ ​നി​ന്നും 92.57ലേക്ക്‌ നീ​ങ്ങി.

അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ ക്രൂ​ഡ്‌ ഓ​യി​ലി​നു ത​ള​ർ​ച്ച. ബാ​ര​ലി​നു 94.30 ഡോ​ള​റി​ൽനി​ന്നു​ള്ള തി​രു​ത്ത​ലി​ൽ നി​ര​ക്ക്‌ മു​ൻ വാ​രം സൂ​ചി​പ്പി​ച്ച 86.76 ഡോ​ള​റി​ലേ​ക്ക്‌ ഇ​ടി​ഞ്ഞശേ​ഷം ക്ലോ​സിം​ഗി​ൽ 91.09 ഡോ​ള​റി​ലാ​ണ്. വി​പ​ണി അ​തി​ന്‍റെ 50 ദി​വ​സ​ങ്ങ​ളി​ലെ ശ​രാ​ശ​രി​ക്ക്‌ മു​ക​ളി​ൽ നീ​ങ്ങു​ന്ന​തി​നാ​ൽ എ​ണ്ണ 100 ഡോ​ള​റി​ലെ പ്ര​തി​രോ​ധ​വും താ​ങ്ങ്‌ 80 ഡോ​ള​റി​ലു​മാ​ണ്.

ഹോ​ർ​മുസ്‌ വ​ഴി​യു​ള്ള ക​പ്പ​ൽനീ​ക്ക​ത്തി​നു പ്ര​ത്യേ​ക ഫീ​സ്‌ ന​ൽ​കി ഗ​താ​ഗ​ത​ത്തി​ന് അ​നു​മ​തി ന​ൽ​ക്കു​മെ​ന്ന സൂ​ച​ന ഇ​റാ​നി​ൽനി​ന്നും പു​റ​ത്തു​വ​ന്ന​ത്‌ വി​പ​ണി​യി​ലെ പി​രി​മു​റു​ക്ക​ത്തി​ന് അ​യ​വ്‌ വ​രു​ത്തും. അ​തേ​സ​മ​യം, ക​ട​ലി​ടു​ക്ക്‌ വ​ഴി​യു​ള്ള ച​ര​ക്കുനീ​ക്കം പൂ​ർ​ണ​മാ​യി ത​ട​യു​മെ​ന്ന പ്ര​സ്‌​താ​വ​ന ഞാ​യ​റാ​ഴ്‌‌​ച പു​റ​ത്ത്‌ വ​ന്ന​ത്‌ സ്ഥി​തി​ഗ​തി​ക​ൾ സ​ങ്കീ​ർ​ണ​മാ​ക്കാം.

ന്യൂ​യോ​ർ​ക്കി​ൽ സ്വ​ർ​ണവി​ല ട്രോ​യ്‌ ഔ​ൺ​സി​നു 4746 ഡോ​ള​റി​ൽ നി​ന്നു 4885 വ​രെ ഉ​യ​ർ​ന്ന ശേ​ഷം 4837 ഡോ​ള​റി​ലാ​ണ്. 4919 ലെ ​പ്ര​തി​രോ​ധം സ്വ​ർ​ണം മ​റി​ക​ട​ന്നാ​ൽ മാ​ത്രം കൂ​ടു​ത​ൽ തി​ള​ങ്ങാ​നാ​കൂ. 4600 ഡോ​ള​റി​ലെ സ​പ്പോ​ർ​ട്ടു​ണ്ട്‌.

എംസിഎ​ക്‌​സി​ൽ സ്വ​ർ​ണവി​ല പ​ത്ത്‌ ഗ്രാ​മി​ന് 1,54,610 രൂ​പ​യാ​ണ്. ജൂ​ൺ അ​വ​ധി പ്ര​തി​രോ​ധ മേ​ഖ​ല​യാ​യ 1.55 - 1.57 ല​ക്ഷം രൂ​പ​യി​ൽ സ​മ്മ​ർ​ദ​ത്തെ അ​ഭി​മു​ഖീ​ക​രി​ക്കാം. തി​രു​ത്ത​ലി​നു ശ്ര​മി​ച്ചാ​ൽ 1.50 - 1.47 ല​ക്ഷം രൂ​പ​യി​ൽ താ​ങ്ങു​ണ്ട്‌.